Monday, October 22, 2018

ගිණිසිළුව අන්තරේ


ගිණිසිළුව අන්තරේ


හීන ගල්වුණු ලෝකෙක
චේ ත් කිචවී විකිණෙන
රතු පාට ජෝක් අද්දර
අතනාරිනා අරගලයක
පාවා නොදෙන දිවුරුම
උන් වළිකෑව පැළ කරන්නට
ඉරි තැලී වියළුණු පොළවක
ලෙයින් දහඩියෙන් දෝවනය කර
දහසක් අවලාද ගල් මුල්
කදුළු ගෑස් ටිං ගාණට
මඩ බැරල් පෙරළුණු
ඉවසන්න බැරි හින්ද
අඩහැරය අන්තරේ
ආතල් කැඩෙන හින්ද
නවලිබරල් සීලයේ
සමාජෙක කුණු කසළ
ගොඩගහල කර මතට
කොල්ලො කෙල්ලන්ගෙන්
දාර්ශනික අප්පල
මස් රාත්තල ඉල්ලූව
අරන් වරෙව් සගයිනි
විශ්වාසය පොළවට
මොරදියව් සටන් පාඨ
කිදාබහිනතුරු අරගලය
සමාජෙක ඇටමිදුළු වලටම
බැරියර් මත මල් පිපී
හිනැහෙනා හීනයට
අතවනා යා යුතුය
තවත් බෝ දුර අපි
ප‍්‍රාර්ථනාවේ කෙම්බිම සොයාගෙන
වෙළදපල හීනයට
ගල් ගහන මන්තරේ
නිමානැති අරගලයෙ
ගිණිසිළුව අන්තරේ

(රිවිහාර පින්නදුව)

Sunday, June 3, 2018

ෆුට් බෝඞ් පේ‍්‍රමය


ෆුට් බෝඞ් පේ‍්‍රමය


ඔහු සරසවියෙ අවසන් වසරෙ
පාට් ටයිම් ජොබ් එකකට 
යන අතරමග
කෝච්චි ඉස්ට‍්‍රයික් දවසක
බස් එකකට පොරකන අතර
අහම්බෙන් හම්බුන 
ෆුට් බෝඞ් පේ‍්‍රමය
සම්මතයෙ සීමා ඉරි
අමු අමුවෙ ජෝක් කළ
දශක ගණනක වයස් පරතරය
දශම ගණනට ගණන් නොනැගුන
හෙටක් නැති අද දවසෙ ආලය
ඉතිං උන් වින්ද නිහඩව
සති අන්තෙ
මොහොතකට උන්ගෙ ලෝකෙක තනිවෙන්න
එද්දි ඔහු කැමතිම
රතු පාට ලොකු මල් වැටුණු ගවුමට
සිහිනවල පියෑඹුව වගේ නොව
යථාර්තය සිරගෙයකි
සරසවිය හැරයන දා
යොවුන් විහග දිවියට ඉඩදී
ඈ පියෑඹුව ඈතට
කාලය ගෙවුණි නොදැනිම
මතකයන් ගල් ගැසී
අතීතෙක ගං පතුලෙ තනිවෙද්දි
සුදු පාට පොඩි මල් වැටුණු ගවුම් ඇදපු
රැුකියා බිමේ සමනළියකට
හිත ගියා ඔහුගෙ
මතකයන් තුවාල මත
තවරා ස්නේහයේ ඔසු
අද වගේම හෙට දවසකුත්
තිබුණ ඒ ආලය
ගැළපුනා සම්මතයෙ
සිල්පද ඔක්කෝටම
කල් මරන්නේ කුමට තව
කැදලි තනන්නේ නැතිව විහගුන්
ඔහු ගියා සුභ මොහොතක් බලා
අත පතා ඇගෙ
දෙගුරුන් හමුවෙන්න
සුදු පාට පොඩි මල් වැටුණු ගවුම
ඇදගෙන ඒ ළෙන්ගතු
සිනහවෙන් සැරසී
ඇය ආව පෙරමගට
ගේ ඇතුලට පය තැබූ ඇසිල්ලෙන්
නිසල සිත් වා තලය
කැළඹී අකුණු ගසමින්
ධාරානිපාත වැසි 
ඇදහැලෙන්නට විය
අන්දමන්දව ඔහු නිවසින් 
පිටව යන සද
ඇය බලා උන්නා ඇස් හයාගෙන
ගේ පිටිපස්සෙ වැලක
රතුපාට ලොකු මල් වැටුණු ගවුමක්
වතුර බේරෙමින් තිබුන

(රිවිහාර පින්නදුව)


Saturday, April 28, 2018

වරෙල්ලා යන්න පාරට


වරෙල්ලා යන්න පාරට


අවුරුද්දෙ අන්තිම දවස
අලූත් අච්චු පොත් හම්බෙන දවස
කරඩුව වගේ පරිස්සමට
අපි ගෙදරට වඩම්මන
කෙල්ලට වගේ ආදරෙන් 
පිටකවර දාන
රවුම් බෝල අකුරෙන්
නම පංතිය ලියන
පිටුවෙන් පිටුව ආසාවෙන්
පෙරළල බලන
මතකයන් තියෙනවා
අපි කාගෙත් ගාව
ඉසුරුපායෙ පෝළිම්වල
අම්මල එක්ක වේලෙන පොඩි උන්ට
ලස්සන නැතුව ඇති එච්චර
අලූත් අච්චු පොත්
බිල බල බල අම්ම හූල්ලන
ලොකු ලොකු උන්ගෙ පොඩි උන්
දිස්නෙ දෙන අලූත් අච්චු පොත්
එක්කලා හිනාවෙන
පොඩි පොඩි උන්ගෙ පොඩි උන්
පිටු ගැළවුණු වර්තමානයක්
එක්කලා ඔරවන
මහ බැංකුව කඩල වියදම් කරන
පොඩි උන්ගෙ හෝඩි පොතෙන්
සල්ලි ඉතුරු කරන්න
හොර පාරෙන් අච්චු පොතටත්
මුන් කෙළින්න හදන එක ඉවසතැහැකි
ඒ ඔක්කොම නාඩගම්
බකන්නිලන් බලන් ඉන්න එක
ඉවසන්නෙ කොහොමද රත්තරන්
උත්තරය තියෙන තැන මෙතන
ඒ තමයි අරගලය
තොරොම්බල් හීන අතහැර
පොළව සිප වැළදගනු මැනවි
සාමා අමර
සල් ගහ යටට වෙලා
මොනවද තව කරන්නෙ?
වරෙල්ලා යන්න පාරට
ජීවිතය හොයාගෙන......

(රිවිහාර පින්නදුව)


Monday, April 16, 2018

දහඩියෙන් කදුළින් ඔපවැටුණු ඒ නුඹේ ප්‍රෙමයයි



දහඩියෙන් කදුළින් ඔපවැටුණු
ඒ නුඹේ ප්‍රේමයයි


අයන්නෙන් අම්මා
හෝඩිපොත අතට ගත් දවසෙ ඉදලම
ගණදෙවි පහන වාගේ
අදුර නසමින් හැමදාම
දැල්වුණේ ඔබලයි
සුදු ඇදුමෙ දවටලා
අරන් ගියෙ ඉස්කෝලෙ
කොටුරූල් දික්රූල් 
පිටු අතර තැවරුණේ
දහඩියෙන් කදුළින් ඔපවැටුණු
ඒ නුඹේ ප්‍රෙමයයි
ජීවිතේ කඩඉම්
එකින් එක පසුකරන සද
සෙවණැල්ල ලෙස ආවෙ නෑ
මගේ පසුපස
අදුරෙදී සැගවෙද්දි එය
කෙළස සමකරන්නද මම
උණුසුමට සිසිලසත්
සිසිලසට උණුසුමත්
රැගෙන ආවේ නුඹලයි
නිදිමරන දා පොත් අතර
ප්ලේන්ටියෙ උණුසුමත්
නුඹයි ඒ නුඹලමයි
හැමදාම වගේම
අරගල බිමෙත් අද
තනිකරන් නෑ මාව
මට පුදුම නෑ ඒක
ඒ මගෙ අම්මයි තාත්තයිනෙ
ඇස් අග රැුදුණු 
මේ හීන අම්මාට
ඒ හීන තුළ පිරුණු
ආදරය තාත්තට

(රිවිහාර පින්නදුව)


Friday, March 23, 2018

හොර බළලූනි ඉතිං ඕනෙමනම් ගලේ පහරපන් දැන්


හොර බළලූනි ඉතිං ඕනෙමනම්
ගලේ පහරපන් දැන්


පෙම්වතුන් ඒ පේ‍්‍රමය අරන්
අද ආයෙ එනවලූ කොළඹ
නිදන්නට බල කෙරුණු ලෝකයක
ඇහැරිලා ඉන්න එකමත් ඇති
වවුචරයක දවටා නිළ ඇදුමට
ගේම දුන්න උන්
සාමල අමරල
සල් ගහ යට නෑ
උන් අච්චු පොත් ගන්න පෝළිමේ අන්න
පොහොර නෑ ගොවියන්ට
වතුර නෑ වකුගඩු රෝගීන්ට
රස්සා නෑ උපාධිධාරීන්ට
විශ‍්‍රාමෙ නෑ රජයේ සේවකයින්ට
ජීවිතේ නෑ අපි ඔක්කොටම
සයිටම් එක්ක දානවනම්
එක එක අයිටම්
හොර බළලූනි ඉතිං ඕනෙමනම්
ගලේ පහරපන් දැන්
වැදගත්ම දේ ඒකයි
උන් සුපර් මෑන්ල හොයන් නැති එකයි
උත්තර හොයාගෙන 
උන්ම ගේමට බහින එකයි
දූෂණ විරෝධයේ ක‍්‍රම විරෝධී
ටයිම් පාස් කිරිලි මැද
ධනවාදයේ බොටුව මිරිකන
ගලඋඩ සටන් මේවයි
ඕන රෙද්දකට ඡුන්දෙ දීපන්
බැරිමනම් ඡුන්ද කොළයෙන් 
රොකට් ඇරපන්
ඒත් හඩ කොළය අතනෑර
වරෙන් අරගල බිමට

(රිවිහාර පින්නදුව)

Wednesday, February 28, 2018

මේ පේ‍්‍රමයේ මන්දාරමයි


මේ පේ‍්‍රමයේ මන්දාරමයි


වැහිලිහිණියනි පියාඹනු 
වහින්නට කාලය එළැඹිලා 
ඉරිතැලූණු පොළව මත 
ආදරෙන් සැතපෙන්න 
වැහි බිංදු හීන විතරක්ම දුටු කාලය 
අවසන් කළ යුතුය 
සීතළ කුමක්දැයි නොදන්නා කතරකට 
වහිනව කියන්නෙත් ලේසි නැති ගේමක් 
වාෂ්ප වෙන බව දැන දැනම 
පතිත වන මුල්ම වැහි බිංදු 
අවුලවයි ආයෙ ආයෙම 
පැතුමන් කෙම්බිමක 
පොළවටත් රහසින් සැගවිලා ඇති බීජ 
පොළෝ ගැබ පලාගෙන 
මතුවේවි විසල් ගස් ලෙස දවසක 
ඔව් කවදහරි දවසක 
ඒ දවස එන්නට වහින්නට අවැසිමයි නුඹ 
නැත්තන් ඉතිං මුන් 
කාන්තාරෙට හට් ගගහ 
හෙවනවල් හොය හොයම ඉදීවි හැමදාම 
කාන්තාරෙ රස්නෙ බව ඇත්ත 
ඒක මාකට් කර කර 
ගොරවනව විතරයි හැමදාම 
දැකලාම ඇතිවෙලා 
කාලෙන් කාලෙට එන 
විදුලි කෙටිලි ඵලක් නැති 
ඉතිං තව බලාගෙන ඉන්නෙ
වැහැපල්ල වැහැපල්ල 
ඔය එක එක 
කටුසු තලගොයි කබරයන්ට 
නිව්මෝනියාව හැදෙන්නට 
ස්නේහයෙන් වහින්නට පුලූවන් 
ආදරේ පිරුණූ වළාකුලූවලට විතරමයි 
ඒ මද අන්ධකාරය ලස්සනයි 
මේ පේ‍්‍රමයේ මන්දාරමයි

Tuesday, February 20, 2018

රිමාන් හිරගෙදර අපේ ළග නෑදෑ ගෙදර

රිමාන්ඩ් හිරගෙදර
අපේ ළග නෑදෑ ගෙදර


රිමාන්ඩ් හිරගෙදර
අපේ ළග නෑදෑ ගෙදර
අපි නිතර යන එන
නෑදෑයො බලල එන්නට
දිය බිදක් නැති කතරක
හරිත පැහැයක ඉගිසොයා
පැතුමන් පවා සෙළවුණු කලෙක
ක්ෂේම භූමියක් හෙව්ව උන්
දින සති මාස ගණනට
ශිරගෙදර ළගින එක
උපිට මේ තරම් සිම්පල්ද
අවුලක් නෑ නතිංද?
හොරුත් භය නැතුවම
අමුඩෙ ගළවා හෙලූව පෙන්නන
හොරු අල්ලන උනුත් හෙලූවෙන්
උන්ගෙ හෙලූව ෂේප් කරණ
නීතියේ කන්‍යාවියගේ කන්‍යා පටලෙන්
හදාගෙන රබානක්
විරිදු කියමුද අපි
මහ බැංකුව ගාව
හදවත් අධෝ මුඛයො ගසාගත්
මිනිසුන්ට ඇසෙන්නට

(රිවිහාර පින්නදුව)