නෙළුම් කුළුණට
උන්ව පේන්නෙ පොඩියට
නෙළුම් කුළුණට
උන්ව පේන්නෙ පොඩියට
කොටුවෙ රත්වුණු පාරවල් උඩ
රතුකොඩි අරන්
කෑමොර දෙමින්
ඇවිදගෙන යනකොට
හිනහත් යන්න ඇති
නෙළුම් කුළුණට
ඈතින් පේන කැම්බල් ප්ිය
නිල්පාට කිරුළපණ රතුපාට
පිට්ටනි වහන් වේදිකා දෙදරද්දි
රැල්ලට නොයා උන් එක්ක
මුන් මොනවද මේ කරන්නෙ
හිතුනාද නිකමට උඹට
අගුල් වැටුණු කන්වලින්
නිලංකාර ඇස් වලින්
නිල් කොළ රතු හීනවල
මහදවල් බුදියද්දි
දියවන්නාවෙ ආසන
පාරම්බාන්න ඡුන්ද ගොඩවල් නැතුව
පැරදෙන පැත්තටම
ජයක් හොයාගෙන සෙල්ලම් කරණ
ජනපි‍්‍රය නොවන දේ වෙනුවෙන්
පෙනී ඉන්නට ඇති දහිරිය
උරගානවා උන් අද
වැස්සට තෙමෙමින් උන්නු
උණුසුම් හදවත් වලින්
නැගෙන රාවය
අතඅරින්නටම බලකරණ සමාජෙක
අරගලය තව තවත් ආදරෙන්
වැළදගන්නට දිරි දෙවන
උන්ගෙ ඇස් මතින්
ඉතිං මං දකිනවා
උදාවෙන හෙට ලොවක අරුණැල්ල
නෙළුම් කුළුණ මචං උඹ දන්නවද
ඒ පුංචි මිනිස්සු
හරි උසයි මටනම්
උඹටත් වඩා ඇත්තමයි
උන් ඉන්න තැන හිටගන්න
උන් කියන දේ
භය නැතුව මොරදෙන්න
ලේසි නෑ මිනිහෙකුට
පුංචි ශරීර ඇතුළෙ හැංගුන
යෝධයෙකුට මිසක
(රිවිහාර පින්නදුව)
අදහස් අරුත්බරයි. ඒත් ..............
ReplyDelete