Saturday, May 20, 2017

වැලන්ටයින් දන්නවද?

වැලන්ටයින් දන්නවද?


නුඹ නමින් පේ‍්‍රමයක්
ඇත මගේ හදවතේ
පිළිගන්න ඉතිං දැන්
මගේ මේ ආදරේ
හීන මගඇරුණු ලෝකෙට
පණ ගැහෙන ප‍්‍රාර්ථනාවක්
අරන් එන්නේ නුඹලයි
අන්ධකාරයට හුරුවූ දෑස් අද්දර
දල්වලා පහන් එළි
මේ ඝනදුරු අන්ධකාරය
සදාකාලික නොවන වග
සිහිකරන්නේ නුඹලයි
මල් නොපිපෙනා බිමක
මලක් වී විකසිත වෙන්න
වෙර දරණ නුඹලාට
පුද නොදෙන පේ‍්‍රමයෙන්
ඵලක්වේවිද කාට
වැලන්ටයින් දන්නවද
සටන් පාඨ වලින්
ආදරෙයි කියනකොට
ඒක හරි ලස්සනයි
රෝස මල් වෙනුවට
පාප්ප බාල්දි අතට ගත්
චොක්ලට් පෙති නැති
ඒත් ප්ලේන්ටියෙන්
ඇස් වැහෙන්නට නොදෙන
සුමට පෙම්බස් නොමැති
ගොරහැඩි මුවින් සටන් පාඨ මොරදෙන
පෙම්බරය පෙම්බරිය
අද ආදරවන්තයින්ගේ දිනය
ඒ කියන්නේ නුඹලගේ දවස

(රිවිහාර පින්නදුව)


No comments:

Post a Comment