Tuesday, July 19, 2016

හිරගෙර ටිකක් විවේකෙන් ඉදපන්

හිරගෙර ටිකක්
විවේකෙන් ඉදපන්


රෑ වෙනව එළිවෙනව
වෙලාවක් මතක නැති
කෑවද බීවද
මතකයේ ඉඩක් නැති
හමුවෙනා හැමදාම
බෑග් එක එල්ලගෙන
කොහේ හරි දුවන
උන් හුගක් භය කෙරුව
පොඩි එකා උඹ ඇකා
නිවාඩු නැති අරගලයෙ
අලූත් අවුරුද්දටත්
උඹ හිටියෙ අට්ටාලෙ
කදුළු ගෑස් බැටන් පොළු
ජීවිතේ කොටසක් වෙච්ච
මේ සමාජය හිරකරණ
බැරියර් අද්දර
නිල් කොළ රතු හීනවල
වීරයො හුරතල් වෙද්දි
බැරියර් පෙරළන්න
භය නැතුව කර තිබ්බ
උඹට මහන්සියක්
දැනෙන් නැතිබව ඇත්ත
ඒත් මේ නිවාඩු කාලෙ
රෑ දවාලෙ වෙනස දැකපන්
හිර ගෙදර ටිකක්
විවේකෙන් ඉදපන්
එලියට ආවට පස්සෙ ආයෙත්
උඹට දැනෙන්නෙ නැතිවෙයි
මිනිස්සු නිදියන්න  ඕනෙ
කන්න බොන්න  ඕනෙ

(රිවිහාර පින්නදුව)

No comments:

Post a Comment