Sunday, December 25, 2016

අරුම නොවේ මටනම් ගැබ් නොගැනීම

අරුම නොවේ මටනම් ගැබ් නොගැනීම


සුන්දර සිහින රන්දා පෙරදාක
මහමග ඇවිද ගිය හැටි
මතකයි මට තාම
බත් පැකටුත් බෙදුවා උන් පොරකාලා
මාතලන්ගෙ රුහිරු සුවද
ළග හිරවෙයි හද තාම
6% දෙන්න කියා පස් කෑවා
ගිණිගත් හිසෙහි රස්නෙන්
උන් ගිණි තැප්පා
සරම් ගළවලා කලිසන් අන්දන්න
මල් පෙරහැරෙ ගෙනෙවිත්
මස් වළදට අතගැහුවා
කළතා එකට
නිල් කොළ රතු බුරියානි
කැව්වා අපිට
තව කාපං මගෙ මැණිකේ කියාලා
ඉස්මුරුත්තෙ මත බැහැලා ඇහැරෙද්දී
කළිසමේම බඩගිහිල්ල නොදැනීම
සටන් පාඨ මග ඇරෙද්දි
සව් කොළ විරුවන්ට
අපේ එවුන් මහ මග
6% ඉල්ලනවා තාම
නිලංකාර නොවී දෑස් දල්වාන
ලේසි නැතත් බැද්දෙ නොපැන
වරෙන් මචං මේ පාරෙන්
සල්ලි වලින් හුස්ම ගන්න
හර්කියුලිස් පරද්දන්න
ඉතිං අපිත් සයනේ රැුය ගෙව්වාට
අරුම නොවේ මටනම් ගැබ් නොගැනීම
පුරුෂ ධාතු නැති සංසර්ගෙකි ඒක

(රිවිහාර පින්නදුව)

No comments:

Post a Comment